الثلاثاء، نوفمبر 09، 2010
الثلاثاء، نوفمبر 02، 2010
الاثنين، نوفمبر 01، 2010
الأحد، أكتوبر 24، 2010
الخميس، أكتوبر 21، 2010
الثلاثاء، أكتوبر 19، 2010
الاثنين، أكتوبر 18، 2010
نحن الجسد الواحد كما أجدادنا
جدو يا جدو يا أعظم جد
مجد جذوره هنا بتتمد
فاكر لما بنيت السد؟
والوحدة بالطول والعرض
وف سبعة وستين نتهد
وإيمانك كان فاق الحد
وكفاحك كان سنة وفرض
جدو يا جدو يا أعظم جد
بالشعب وجيشك الاتنين
قام مينا وجرجس وياسين
ومحمد يا صلاة الزين
براكين نارهم تملا العين
جيشك قام للنصر حصد
جدو ياجدو يا أعظم جد
لأهالي الشهدا بتصبر
والفرحة جوانا بتكبر
بتصلي للمولى وتشكر
الله ع الفرح الله أكبر
لما فتحنا نيران المجد
كرم المولى ما كان له حد
جدو يا جدو يا أعظم جد
دم الشهدا هناك بينادي
ويغني لي بلادي بلادي
وتركت ف حبك أولادي
وياهم في الجنة معادي
والدمع بيسمع ويرد
دم الشهدا آهو سال ع الأرض
يرسم راية وعزة ومجد
جدو يا جدو يا أعظم جد
حاربوني بثورة إعلام
قنواتهم وعليها يا سلام
شياطين مدعية الإسلام
تحريضهم للرأي العام
في الفتنة وتجار أوهام
ولا عمرها تبني وبتهد
جدود يا جدو يا أعظم جد
ده شعارهم أموال في الحال
اشتم مصر تنول أموال
افتري تكسب رزق عيال
قواعدهم في جنوب وشمال
بقى ليهم في الدنيا آمال
يمحوا آثار أم الأبطال
لما الابن ليهم يتشد
ينسى حنان الروح للأرض
جدود يا جدو يا أعظم جد
مهما أقاسي وألاقي هموم
مهما تمر عليا غيوم
ألجأ للحي القيوم
وأكسب رزق اليوم باليوم
رزق حلال والخير هايدوم
ولا أبيع أرضي الغالية ف يوم
سر الجنة يكون في الحمد
شدة تقوي ف وقت الجد
جدو يا جدو يا أعظم جد
باغزل أنا سجادة المجد
خضرة جمالها آهو فاق الحد
حبات عرقي هاتروي الأرض
تطرح نصر وعزة ومجد
ولا عمر أمالك تتهد
اطمن لولي العهد
مصر الجسد الواحد
مصر الجسد الواحد
بواسطة: محاسن بيومي
ولادك يا مصر دولا الفلاحين
يا عيشة وبيهية ومينا وياسين
بتحضن أيادي برقة وحنين
مصانع بلادي وطمي الأنين
شقى العرقانين وفي الأرض طين
بيصرخ حنين يقول السنين
بتحضن نديم وطه الحسين
ولادك يا مصر دولا الفلاحين
ولادك يا مصر حضارة ومنارة
أساتذة يا مصر في فن العمارة
هرمنا وقلعة صلاح والفنارة
ياقبلة ومدنة وللكون مزارة
وخان الخليلي يقول للحسين
ويشهد بإنك دوا الحيرانين
ولادك يا مصر دولا الفلاحين
عشقت ف هواهم دفا المندرة
وشمس الأيادي هنا مبدرة
روايح جدودي هنا معطرة
تقبل فؤادي وتمحي الأنين
ولادك يا مصر دولا الفلاحين
بتزرع إيديهم مداين زهور
ومن كل زهرة خلقنا العبور
جمال والسادات وحسني الجسور
زرعنا السما بأشجع نسور
وكان جندي واحد بيأسر طابور
تاريخنا بيشهد وعساف ياجور
زهورك خناجر على كل غادر
تمر السنين ويقوا الحنين
في أحضان ولادك دولا الفلاحين
نعم للوحدة
هروب
لما باهرب من وجودي
ارتمي ف أحضان جدودي
أنسى نفسي بين إيديهم
تنقطع أحبال قيودي
لما باهرب من وجودي
بافتكر لحظة حنان
بافتكر أيام زمان
والدموع تملا المكان
والحدود جوايا تهرب
لما باهرب من وجودي
يبكي ف القلب الأنين
تصحى جوايا السنين
والنجوم لو سهرانين
تبكي من فيض الحنين
للحبيبة الغالية لما
تمسح الدمع الحزين
فأندهك يا حبيبتي عودي
لما باهرب من وجودي
بافتكر رزع الغيطان
بافتكر صوت السواقي
والكنيسة والأدان
بافتكر صوت الحبيبة
والقلوب مليانة طيبة
بس ليه كل أما قرب
ألقى بعدك عني
أقوى من صمودي
تبعديني عن حدودك
تبعديني عن حدودي
لما باهرب من وجودي
الأحد، أكتوبر 17، 2010
السبت، أكتوبر 16، 2010
الثلاثاء، أكتوبر 12، 2010
قرر البابا يوذوروس الثانى، بابا وبطريرك الروم الأرثوذكس بالإسكندرية وسائر أفريقيا، إسناد مهمة إنقاذ وصيانة مجموعة المخطوطات والكتب النادرة الموجودة بمكتبة البطريركية بالإسكندرية، والتى تضم أقدم المخطوطات المسيحية وأوائل المطبوعات التى يتعلق كثيرٌ منها بالتراث المسيحى المصرى، إلى الدكتور يوسف زيدان، مدير مركز المخطوطات بمكتبة الإسكندرية، وصاحب رواية «عزازيل» التى أثارت جدلاً فى الأوساط القبطية.
الاشتراك في:
الرسائل (Atom)
نحن الجسد الواحد كما أجدادنا